image004

Խնդրում ենք կարդալ կոչը, որպեսզի Ձեզ համար հասկանալի լինի, թե ինչպես կարող եք օգնել Դիտակ գյուղի մանկապարտեզին: Ձեր աջակցության կարիքը նրանք շատ են զգում, որի համար նրանք անչափ երախտապարտ կլինեն:

Արարատի մարզի Դիտակ գյուղը գտնվում է Երևանից 20 կմ հեռավորության վրա: Այն համարվում է աշխարհագրորեն մեկուսացված բնակավայրերից մեկը: Գյուղի բնակչության թիվը 787 է (230 տնային տնտեսություն), զբաղեցրած տարածքը` 217 հա: Կանանցից շատերը միայնակ իրենց ուսերին են կրում պատասխանատվությունն իրենց ընտանիքների,  երեխաների խնամքի և կենցաղային խնդիրների լուծման համար, քանի որ նրանց ամուսինները կամ մահացել են կամ մեկնել են արտերկիր` աշխատանք որոնելու: Որոշ տեղաբնակներ աշխատում են կամ Երևանում կամ արտերկրում (օրինակ, Ռուսաստանում): Գյուղը չունի բավարար քանակի ոռոգման  ջուր: Ապրուստի պայմաններն անբավարար են և բարելավման կարիք ունեն:

Ինչ է հարկավոր այս պահին

 Դիտակ համայնքն անցյալում մանկապարտեզ չի ունեցել: Գյուղապետարանը մտադրություն է ունեցել դպրոցի երկրորդ մասնաշենքում տարածքը վերանորոգել և օգտագործել որպես մանկապարտեզ: Ցավոք, ֆինանսների բացակայության պատճառով, ծրագիրը կյանքի չի կոչվել: Շվեյցարիայի Sourire vers I’Avenir Foundation հիմնադրամի առատաձեռն աջակցության շնորհիվ, <<Հայ կանայք հանուն առողջության և առողջ շրջակա միջավայրի>> (ՀԿՀԱԱՇՄ) ՀԿ-ն հաջողությամբ իրականացրել է մանկապարտեզի վերանորոգման աշխատանքները: Ներկա դրությամբ մանկապարտեզի շահագործման համար անհրաժեշտ է լրացուցիչ ֆինանսավորում  (մանկապարտեզը չունի կահույք, սարքավորումներ և այլն): Մանկապարտեզը նախատեսված է 40 երեխայի համար: Շահառուները կլինեն ոչ միայն այս գյուղի երեխաները, այլև հարևան համայնքի երեխաները, որոնց ծնողները նույնպես ուզում են իրենց երեխաներին ուղարկել այդ մանկապարտեզը:

image006

Դիտակի մանկապարտեզի մուտքը

image008

Դիտակի վերանորոգված մանկապարտեզը ներսից (խաղասենյակ)

image010image012image014

Դիտակի մանկապարտեզի զուգարանը

 

Ստորև տրված է 40 երեխայի համար անհրաժեշտ պարագաների ցանկը

  • Խաղասենյակի համար
    • 40 աթոռ
    • 10 սեղան
    • խաղալիքների պահարան
  • Ննջասենյակի համար
    • 20 երկհարկանի մահճակալ
    • 40 փոքր զգեստապահարան

Շահագրգիռ կողմերի և համայնքների հետ համագործակցելու նպատակով, <<Հայ կանայք հանուն առողջության և առողջ շրջակա միջավայրի>> (ՀԿՀԱԱՇՄ) ՀԿ-ն կօգտագործի իր նախկին հաջողված փորձը: Մենք ցանկանում ենք հավատալ և հուսալ, որ բարեգործական կազմակերպությունները և Հայաստանի իշխանությունները, որոնք մտահոգ են Հայաստանի գյուղական բնակավայրերում ապրող երեխաների սոցիալական պայմաններով և կրթությամբ, կարձագանքեն այս կոչին:

Անչափ շնորհակալ ենք աջակցության համար:

Լրացուցիչ տեղեկատվության համար խնդրում ենք դիմել`

Հեռ.` (+ 374 10) 52 36 04;

Էլ.փոստ` office@awhhe.am

Վեբ կայք` www.awhhe.am