2024թ. նոյեմբերի 29-ին Թուֆենկյան հյուրանոցում մեկնարկեց Ստոկհոլմի կոնվենցիայի շրջանակներում ազգային պլանների վերանայման ծրագրի աշխատանքային ժողովը

2024 թ․-ի նոյեմբերի 29-ին Թուֆենկյան ավանդական Երևան  հյուրանոցում տեղի ունեցավ «Բնապահպանական ծրագրերի իրականացման գրասենյակ»  պետական հիմնարկի և Չեխիայի Ստոկհոլմյան կոնվենցիայի տարածաշրջանային կենտրոնի կողմից իրականացվող «Կայուն օրգանական աղտոտիչների մասին» Ստոկհոլմի կոնվենցիայի շրջանակներում իրականացման ազգային պլանների վերանայում և թարմացում Ալբանիայում, Հայաստանում, Ղազախստանում» տարածաշրջանային ծրագրի մեկնարկային աշխատաժողովը։

Ծրագրի նպատակն է նպաստել Ստոկհոլմի կոնվենցիայի իրականացմանը մասնակից երկրներում՝ Ազգային իրականացման ծրագրի մշակմանը, վերանայմանը և թարմացմանը կոնվենցիայի կողմերի համաժողովին ներկայանալու միջոցով՝ հզորացնելով ազգային  տեխնիկական կարողությունները և փորձաքննությունը։ ԳԷՀ-ի աջակցությամբ Ազգային իրականացման ծրագրի թարմացումը ներկայումս միաժամանակ շարունակվում է ՄԱԿ-ի 35 երկրում։

«Հայ կանայք հանուն առողջության և առողջ շրջակա միջավայրի»  ՀԿ-ն ներկա էր աշխատաժողովին՝ որպես վերոհիշյալ ծրագրի իրականացման մասնակից։